qarmaqshy-tany.kz Бүгін қоғамда алдында тұрған басты міндеттерінің бірі - жасөспірімдердің арасындағы құқық бұзушылықтың алдын-алу, кәмелетке толмағандар арасындағы қылмыстың өсуіне жол бермеу. Бұл мәселе қазіргі өзекті мәселелердің бірі болып тұр.

Жасөспірімдердің арасында құқық бұзушылықтың алдын алу мақсатында құқықтық сауаттылық пен құқықтық мәдениетті арттыру өте маңызды. Осы ретте, аудан көлемінде өтіп жатқан "Құқықтық тәртіп" жедел профилактикалық іс-шарасы аясында, Қармақшы ауданы, Қызылтам ауылдық округінің №79 мектебінің бастауыш сынып оқушыларымен "Құқық бұзушылықтың алдын алу" тақырыбында кездесу ұйымдастырылды. Осыған байланысты сол аймаққа бекітілген бөлімнің ЖПҚб-нің учаскелік полиция инспектор полиция аға лейтенанты Ә.Төлегенов Қазақстанда заң бойынша кәмелетке толмаған жасөспірімдерге өз құқықтары боынша түсіндірме жұмыстарын жүргізіп және елімізде кәмелетке толмаған құқық бұзушылардың ісімен шұғылданатын арнайы орталықтар бар екенін оқушыларға түсіндірді. Сондай-ақ ақ жолда жүру ережелерін дұрыс білуге, сақтауға кеңес берді.