Құқық бұзушылықтың және жасөспірімдерге қатысты отбасындағы тұрмыстық зорлық-зомбылықтың алдын алу - басты міндет

qarmaqshy-tany.kz Бүгінгі таңда қоғамның алдында тұрған басты міндеттерінің бірі - балалар мен жасөспірімдер арасындағы құқық бұзушылықтың алдын алу, кәмелетке толмағандар арасындағы қылмыстың өсуіне жол бермеу, жасөспірімдерге қатысты жасалатын отбасындағы зорлық-зомбылық болып табылады. Бұл мәселе қазіргі таңда көкейтесті мәселелердің біріне айналыр отыр. Дегенмен тәрбиесі мол "Тәртіпке бас иген адам құл болмайды, тәртіпсіз ел болмайды" деп Б.Момышұлы айтқандай, еңбек тәртібін сақтап, заңды құрметтеп, тыныш жұрсе, одан ешкім де ұтылмайды.

Осыған байланысты жас ұрпаққа құқықтық тәрбие беру, кәмелетке толмағандардың арасында құқық бұзушылықтың алдын алу, отбасындағы жасөспірімдерге қатысты жасалатын тұрмыстық зорлық-зомбылықтың алдын алу, жолын кесу және оны болдырмау мақсатында ағымдағы жылдың қазан айының 19-ші жұлдызында Қармақшы ауданы, Иіркөл ауылдық округінің №106 орта мектебінде 8-10 сынып оқушыларының қатысуымен кездесу өткізілді.

Іс-шараға: Қармақшы аудандық полиция бөлімінің ЖПҚб-нің әйелдерді зорлық-зомбылықтан қорғау тобының инспекторы полиция капитаны А.Касимова және Ювеналды полиция тобының учаскелік полиция инспекторы полиция лейтенанты М.Жұбатқанова қатысты.

Іс-шара барысында сала мамандары ҚР ӘҚБтК-нің 73 баптар, 127 б., 442 баптары бойынша түсіндірме жұмыстарын жүргізіп, ойларын ортаға салып, соңында мектеп оқушыларымен кері байланыс жүргізілді.