Баршаңызды Ұлттық мереке – Республика күнімен құттықтаймын!

Бұл мереке – біртұтас Қазақстанның берекесі мен бірлігінің, әрбіріміздің туған жерімізге деген шексіз сүйіспеншілігіміз бен адал еңбегіміздің нәтижелі нышаны.

1990 жылы 25 қазанда Республиканың жоғары кеңесі еліміздің тәуелсіз мемлекет ретінде дамуының құқықтық негізін қалаған Декларацияны қабылдады. Осы тарихи маңызды қадам арқылы еліміз тәуелсіздіктің алғашқы баспалдағын басты. Сол уақыттан бері мемлекетіміз сан түрлі қиыншылықтарға төтеп бере отырып, даму мен өркендеу жолында келеді.

Еліміздің кемелденуінде бірлікті ту етіп, адал еңбектің құндылығын биік қоятын қармақшылықтар да бұл мерекенің ұлағатын кейінгі ұрпаққа кеңінен насихаттайды деп сенемін.

Көп ұлтқа тарихи мекен болған ауданымыздағы сан ұлттардың достастығын, жерлестеріміздің жеткен жетістіктерін Жаңа Қазақстанның қуаттылығы мен гүлденуіне қосқан сүбелі үлесі деп білемін.

Қазақстанның тұрақты дамуы мен ұлттық стратегиялық мүддесі жолында әрбіріңіздің бастамаларыңыз сәтті болсын!

ТӘУЕЛСІЗДІГІМІЗДІҢ ТҰҒЫРЫ НЫҚ, ЕЛІМІЗДІҢ ЕҢСЕСІ БИІК БОЛҒАЙ!