Жақсы кітап - жан азығы
qarmaqshy-tany.kz Мектеп кітапханашыларының ұйымдастыруымен "Оқуға құштар мектеп" жоба аясында 25-қазан Республика күніне орай "Тәуелсіздік-келешектің игі мұраты" тақырыбындағы кітап көрмесі оқушыларға таныстырылды.
Мақсаты: Қазақстанның егемендік алғаннан кейінгі қалыптастыру тарихымен таныстыру, болашақта Қазақстанның дамуына өзіндік үлес қосатын тұлғалар екендігін ұғындыру, елін сүюге, құрметтеуге, Отанын қастерлеуге насихаттау.
1990 жылы 25 қазанда Республиканың жоғарғы кеңесі еліміздің тәуелсіз мемлекет ретінде дамуының құқықтық негізін қалаған Декларацияны қабылдады. Қазақстанның егемендігі мен тәуелсіздігіне батыл қадам жасалған күн. Осы тарихи маңызды қадам арқылы Қазақстан дербестіктің, тәуелсіздіктің алғашқы баспалдағын басты. Сол уақыттан бері мемлекетіміз өтпелі кезеңнің қиыншылықтарына төтеп бере отырып, даму мен өркендеу жолында келеді. Ата-бабаларымыздың ғасырлар бойы аңсап өткен Тәуелсіздікке қол жеткізгелі бері, еліміз талай-талай асқарлы асуларды бағындырды.Өтпелі кезең ауыртпалықтарын бастан өткізіп, оңай тимеген экономикалық, саяси реформалар жүзеге асырылды. Қазақстанды бүгінде әлем жұртшылығы нарықтық экономикалық-демократиялық ел ретінде таниды.
