Аудан әкімінің 1 желтоқсан – Тұңғыш Президент күнімен құттықтауы

Cіздерді Қазақстан Республика­сының Тұңғыш Президенті күнімен шын көңілмен құттықтаймын.

1 желтоқсан – біздің тарихы­мыздың жаңа ақ парағы ашылған күн. Тәуелсіздікті тұғырына қон­дырған, елді ерлікке жеткізген Ұлт көшбасшысы 1 желтоқсанда ел тізгінін ұстады.

Бүгінде әлем жұртшылығы Қа­зақ­станның Тұңғыш Президентін дүниежүзіндегі ең жарқын және бе­делді көшбасшылардың бірі деп санайды.

Оның бейбітшілікті қолдау бастамалары мен ядролық қарусыздануға қосқан орасан үлесі арқасында тарихи жеріміздің шекарасы халықаралық деңгейде бекемделіп, ел егемендігі бірауыздан мойындалды.

Мемлекеттік рәміздеріміз, Ата заңымыз қабылданып, ұлттық валютамыз және Астанамыз дүниеге келді.

Жыр елі атанған қасиетті мекен, Қармақшы елі Елбасымыздың сарабдал саясаты мен бастамаларына қолдау жасай отырып, халқымыздың бірлігінің арқасында ауданымыздың әлеуметтік-экономикалық әл-ауқаты артып, мәдениеті мен руханияты дами түсті.

Тәуелсіздіктің 30 жылында ауданы­мыздың жеткен жетістіктері мен жеңістері Тұңғыш Президентіміз – Нұрсұлтан Әбішұлының еселі еңбегінің, көреген жасампаздығының жемісі.

Осынау халқының бірлігі мен берекесін ұлықтап, мемлекеттің мерейін асыратын мереке күні Сіздерге зор денсаулық, отбасыларыңызға бақ пен береке, шаңырақтарыңызға шаттық тілеймін!