qarmaqshy-tany.kz Аудан әкімдігінің мәжіліс залында аудан әкімінің орынбасары Смағұлов Самат Қыдырбекұлы 24 қазан – Кітапханашылар күніне орай бірқатар сала мамандарына қабылдау жүргізді.

Қабылдауға кітапхана саласында сан жылдар қызмет етіп, бүгінде зейнет жасына шыққан сала ардагері Бердібаева Жұпаркүл мен кітапханашылар қатысты.

Мерекелік қабылдауда Самат Қыдырбекұлы ұлт пен ұрпақтың сабақтастығына айналған рухани қазынаның сақшысы һәм насихаттаушысы болған сала мамандарын кәсіби мерекемен құттықтап, алғыс хаттар табыстап, жүрекжарды лебізін жеткізді.

Аудан әкімінің орынбасары Самат Смағұлов: "Әр таңын білімнің қайнар көзі кітаппен ашатын, сол кітаптағы асыл мұраларды оқырмандарға жеткізетін алтын көпірді байланыстырушы кітапхана мамандары. Ауданымыздың рухани-ағарту жолындағы еңбектеріңіз жандана берсін,– деді өз құттықтауында.

Мерекелік шарада айтыскер ақын Сырым Әділбеков арнау айтып, қабылдауда болған қонақтарға жырдан шашу шашты.

Қармақшы ауданы әкімінің баспасөз қызметі