qarmaqshy-tany.kz Қармақшы ауданы әкімінің орынбасары Смағұлов Самат Қыдырбекұлы спортшылардың кәсіби мерекесіне орай бірқатар сала ардагерлері мен мамандарын қабылдады.

Аудан әкімінің орынбасары спортшыларды кәсіби мерекемен құттықтап, тәуелсіздік жылдарындағы аудан спортшыларының халықаралық жарыстардағы жетістіктерін атап өтіп, көк байрағымызды асқақтатып, аудан мерейін үстем еткен спортшыларға алғысын білдірді.

Қабылдау барысында сала ардагерлері аудандағы спорт және бұқаралық спорт саласын дамыту үшін жасалып жатқан игі бастамаларға ризашылықтарын білдіріп, жаңадан ашылып жатқан спорт кешендеріне жас жеткіншектерді тарту бойынша ұсыныстарын айтты.

Сонымен қатар ауданымыздың 95 жылдығына орай өткізілген ауыл спортшыларының "Алтын күз-2023" спартакиадасының нәтижесімен ІІІ-орынды жеңіп алған Ақтөбе ауылдық округі, ІІ-орын алған Төретам ауылдық округі және 102 ұпаймен І орынды жеңіп алған Дүр Оңғар ауылдық округі командаларын марапаттап, бірқатар спортшыларға аудан әкімінің мерекелік алғыс хаттарын табыстады.

Қармақшы ауданы әкімінің баспасөз қызметі