«Тіл жанашырлары – ел жанашырлары»

qarmaqshy-tany.kz Ү.К.Томанов атындағы №183 орта мектебінде мемлекеттік тілдің мәртебесін көтеру, тіл саясатын жүзеге асыруға үлес қосып жүрген тіл жанашырларымен пікірлесу, сұхбаттасу, оқушылардың тілге, Отанға деген құрметін арттыру, сүйіспеншілік сезімдерін ояту мақсатында «Тіл жанашырлары – ел жанашырлары» тақырыбында кездесу сағаты ұйымдастырылды.

Шараға ауданымызда туған тіліміздің мерейін көтеріп, мәртебесін асқақтату жолында аянбай еңбек етіп, тіл жанашырларына айналып жүрген Халықаралық «Қазақ тілі» қоғамы Қармақшы аудандық филиалының төрайымы, аудандық әйелдер кеңесінің төрайымы, аудандық ардагерлер кеңесінің алқа мүшесі Раева Күлжауһар Төлегенқызы мен аудандық «Қармақшы таңы» газеті редакциясының бас редакторы, Қазақстан журналистер одағының мүшесі Райымбаева Сәрсенкүл Жаудатбекқызы қонақ ретінде шақырылды.

Алғашқы сөз мектеп директоры Әшірова Гүлнара Исақызына берілді. Мектеп басшысы жиынды ашып, мақсатына тоқталды. Оқушылар ана тілдің қадір-қасиеті, мәртебесі, ұлттық құндылық ретінде алатын орны, журналистика саласы жөнінде сұрақтар қойса, Сүлеймен Олжас «Отан-Ана» әнін орындады. 10, 5 сынып оқушыларының қатысуымен көрініс те көрсетілді. Қонақтар тарапынан ұстаздар мен оқушыларға сыйлық ретінде кітаптар берілді.