Ұстаздар – тіл жанашыры
qarmaqshy-tany.kz Тіл мәдениетін қалыптастыратын орта – ол білім беру саласы. Балабақша, мектептен жеткіншек өз ана тілін жетік меңгеріп, тілді бойына сіңіріп өседі. Ұлтымыздың тілі мен ділін, салты мен санасын, дәстүрі мен ғұрпын ұлықтай білетін нағыз тіл жанашырлары – ұстаздар.
Ұстаздар күні мерекесіне орай Халықаралық «Қазақ тілі» қоғамы аудандық филиалының ұйымдастыруымен аудандық Жыраулар үйінде «Ұстаздар – ана тіліміздің жанашыры» атты кездесу өтті. Мемлекеттік тілдің мәртебесін көтеріп, туған тіліміздің жанашыры болып жүрген ұстаздар қауымын төл мерекемен құттықтап, марапат жасалды. Аудандық филиалдың алқа мүшелері, ауданымыздың Құрметті азаматтары Ә.Құлдүйсенов, Ш.Құндақбаев және тіл белсендісі Н.Наурызбаева ұлттық рухты, тілімізді көтеруде ұстаздар қауымының орны ерекше екеніне тоқталып, іргелі жұмыстардың басында жүрген ұстаздарымызға алғысын білдірді. Аудандық филиал төрағасы Г.Раева құттықтау сөз сөйлеп, бір топ ұстазға Алғыс хаттар мен сыйлықтар табыс етті.
Гүлнар БИСЕНҚҰЛОВА,
Халықаралық «Қазақ тілі» қоғамы аудандық
филиалының қызметкер
