Қармақшы аудандық сотында «Атқарушылық жазба» тақырыбында семинар өтті.

Шараға аудандық сот төрағасы Қ.Мыханов, сот әкімшісінің басшысы Е.Мәтжанов, жергілікті нотариустары А.Тойланов және Л.Динкешова, Т.Айтжанов қатысты.

Аудандық соттың төрағасы Қ.Мыханов «Нотариат туралы» Қазақстан Республикасы Заңының 92-1-бабының 2-тармағының 2) тармақшасының негізінде, талап қоюшының борышты, сыйақыны және тұрақсыздық айыбын өндіру жөніндегі даусыз талаптарымен нотариусқа атқарушылық жазба шығару үшін жүгіну арқылы дауды соттан тыс тәртіппен шешу көзделгендігін, заңның бұл тұрғысында талап қоюшының (өндіріп алушының) атқарушылық жазбаның күшін жою туралы қарсылықпен жүгіну құқығы көзделмегені және жазбаның күші жойылмаған жағдайда нотариустың қаулысына сот тәртібімен дау айту құқығы тек ғана борышкерге берілгені императивтік (міндетті) норма болып табылады, - дей келе, өндіріп алушының қарсылығы негізінде атқарушылық жазбаның күшін жоюға жол берілмейтіні Заңмен көзделсе, өз кезегінде борышкердің қарсылығы негізінде атқарушылық жазбаның күші жойылған жағдайда өндіріп алушының сот арқылы қорғану құқығы бар екендігі жөнінде түсіндірме жасады.

Шара барысында нотариустар атқарушылық жазба бойынша өзара пікір алмасып, өз тәжірибелеріне тоқталып, тәжірибеде кездесетін қиыншылықтарды талқыға салды.