Сот актісін орындамағаны үшін әкімшілік жауапқа тартылды

Қармақшы аудандық сотында азамат Н.-ға қатысты ҚР ӘҚБтК-ң 669-бабының 1-бөлігімен әкімшілік іс қаралды.

Сотта анықталғандай азамат Н. Қармақшы аудандық сотының 2017 жылғы 31 наурыздағы сот бұйрығымен өндіріп алушы А.-ның пайдасына 1/3 бөлікте алимент өндіру туралы атқарушылық құжатты орындамаған.

Сотта азамат Н. кінәсін толық мойындайтынын, өзінің жұмыста жоқ екенін, алдағы уақытта жұмысқа тұрған кезден бастап төлейтінін көрсетті.

Сот қаулысымен азамат Н. Қазақстан Республикасының Әкімшілік құқық бұзушылық туралы кодексінің 669-бабының 1-бөлігімен кінәлі деп танылып, оған 10 210 (он мың екі жүз он) теңге айыппұл салынды.

Қаулы заңды күшіне енген жоқ.