Қармақшы аудандық сотында Қазақстан Республикасы ӘҚБтК-нің 381-1 бабының 1 бөлігімен құқық бұзушылық жасаған азамат С.-ға қатысты әкімшілік құқық бұзушылық туралы іс қаралды.

Іс-құжаттарына сәйкес, құқық бұзушы С. Қармақшы ауданында «Беларус-80» тракторының тіркемесімен көлемі 4 (төрт) текше метр болатын сексеуіл отынын шауып, тиеп әкеліп жатқанында ұсталып, яғни кесуге тыйым салынған ағаштар мен бұталарды заңсыз кескен әкімшілік құқық бұзушылық әрекетін жасаған.

Сотта азамат С.-ның әрекеті өзінің мойындау түсінігімен және істегі өзге де құжаттармен толық дәлелденді.

Сот қаулысымен құқық бұзушы С. Қазақстан Республикасы ӘҚБтК-нің 381-1 бабының 1-бөлігімен кінәлі деп танылып, оған 19 446 (он тоғыз мың төрт жүз қырық алты) теңге айыппұл салынды.

Қаулы заңды күшіне енді.