Меншік құқығы тану туралы талап қою арызы қанағаттандырылды

Қармақшы аудандық сотында талап қоюшы К.-ның өз бетімен салынған құрылысқа меншік құқығын тану туралы талап арызы бойынша азаматтық ісі қаралды.

Талап қоюшы К. өз бетімен салынған құрылысқа меншік құқығын тану туралы талап қою арызымен сотқа жүгінген.

Жауапкердің талап арызға қарсы пікірінде, даулы тұрғын үйге меншік құқығын тануға қарсылығы жоқ екенін көрсеткен.  

Даудың нысанасына дербес талаптарын мәлімдемейтін үшінші тұлғалар өз пікірінде, талап қоюшының даулы тұрғын үй орналасқан жер учаскесіне зерттеу жұмыстарын жүргізіп, үйдің техникалық сипаттамасы мен актісін жолдап, сот отырысын өкілдің қатысуынсыз қарауды сұраған.  

Сот отырысында талап қоюшының өкілі талапты қуаттап, талап қоюшы 2015 жылы  бос жатқан жер учаскесіне тұрғын үй салып, тұрып жатқанын, бұл жер учаскесін рәсімдеуге мүмкіндігі жоқ екенін көрсетіп, даулы үй мекен-жайы бойынша өз бетімен салынған тұрғын үйге меншік құқығын танып беруді сұрады.  

Осыған орай, сот шешімімен талап қоюшының өз бетімен салған тұрғын үй құрылысқа меншік құқығын тану туралы талабы қанағаттандырылды.

Шешім заңды күшіне енбеген.