qarmaqshy-tany.kz Жаңа оқу жылы қарсаңында Қармақшы ауданы бойынша білім бөлімінің басшысы Г.Абдазиеваның төрағалығымен №284 мамандандырылған мектеп-лицейінің базасында білім беру ұйымдарының басшыларының қатысуымен жиын өткізілді.

Жиында жаңа оқу жылына білім беру ұйымдарының дайындығы және санитарлық тазалықтың жай-күйі, жаз мезгіліндегі оқушылардың тәртібі, жаңа оқу жылы аясында әлеуметтік көмек беру, "Мектепке жол" акциясын ұйымдастыру, оқулық, бірінші сыныпқа бала қабылдау,кадр мәселелері мен қаржы- шаруашылық жұмыстар және жылу маусымына дайындық жұмыстары пысықталып, педагог кадрларға арналған секция отырыстары жоспарланды.

Сонымен қатар Қазақстан Республикасының Конституциясы күні, Білім күні, "Мектепке жол" Республикалық акциясын өткізу жөніндегі тиісті нұсқамалықтар таныстырылды.