Теңбіл доп жарысы
Аудандық дене шынықтыру сауықтыру кешені алаңында Астана күні мерекесіне орай жасөспірімдер арасында салауатты өмір салтын қалыптастыру, жасөспірімдер арасында футбол спорт түрін насихаттау және жастарды достыққа, патриоттық сезімге, ұлттық мәдениетке тәрбиелеу мақсатында шағын футболдан аудандық біріншілік өтті.Жарыстың ашылу салтанатында аудандық мәдениет және спорт бөлімінің сектор меңгерушісі Нұрбол Мырзабаев жарысқа қатысушыларды мерекемен құттықтап, сәттілік тіледі.
Спортшылар өзара топқа бөлініп, одан үздік деп танылғандар финалдық кездесулер өткізді. Қызықты да тартысты өткен біріншілікте барлық қомандаларды ұтып, жоғары нәтиже көрсеткен «Жандос» командасы жарыс жеңімпазы атанса, жүлделі ІІ, ІІІ орындарды «Қармақшы» және «Жалын» командалары өзара бөлісті.
Сонымен қатар өздерінің үздік ойындарымен көрермен көзайымы атанған футболшылар да түрлі номинация бойынша марапатталды.
Жарыс соңында жеңімпаз команда мен жүлдегерлер аудандық мәдениет және спорт бөлімінің кубогі мен дипломдарына ие болды.
Нұрбай ӘБІЛАХАТҰЛЫ
