БАҚ өкілдеріне құрмет көрсетілді

qarmaqshy-tany.kz Қармақшы ауданы әкімдігінің мәжіліс залында 28 маусым – бұқаралық ақпарат құралдары қызметкерлерінің мерекесіне арналған іс-шара өтті.

Жиында аудан әкімінің міндетін уақытша атқарушы Жұлдызхан Байназарұлы құттықтау сөз сөйлеп, журналистер қауымына аудан әкімінің ыстық ықыласы мен ізгі лебізін жеткізді.

Сондай-ақ, журналистика саласында өзіндік қолтаңбасын қалдырған ардагерлерге сый-сияпат жасап, осы салада табысты еңбек етіп жүрген бір қатар қаламгерлерге алғыс хаттар табыстады.

Сонымен қатар, мерекелік жиын барысында ардагер-тілші А.Үсенов, «Сыр дидары» газетінің тілшісі Қ.Төреев, «Қармақшы таңы» газетінің бас редакторы С.Райымбаева, «Бәйтерек» газетінің редакторы Ж.Құлтанова құттықтау сөз сөйлеп, өз ризашылықтарын жеткізді.