Аудан әкімдігінде брифинг өтті

Қармақшы ауданы әкімдігінің мәжіліс залында коронавирус инфекциясының алдын алу бағытында атқарылып жатқан жұмыстар бойынша ауданымыздың бұқаралық ақпарат құралдары өкілдеріне арналған брифинг өтті.

Аудан әкімінің орынбасары Ж. Омаровтың төрағалығымен өткен брифингке Қармақшы аудандық санитариялық-эпидемиологиялық бақылау басқармасының басшысы Г.Төлепбергенова, аудандық полиция бөлімінің жергілікті полицияның басшысы О.Есжанов, орталық аурухана басшысының орынбасары А.Жаналиев қатысып, коронавирус инфекциясының алдын алу бағытында атқарылып жатқан жұмыстарды баяндады.

«Байқоңыр Бәйтерек» газетінің редакторы Н.Жанәділов, «Қармақшы таңы» газетінің редакторының орынбасары Г.Дүзенова, газет тілшісі А.Сағынтай баяндамашыларға сұрақтарын қойып, тұщымды жауаптарын алды.

Брифингті аудан әкімінің орынбасары Ж.Омаров қорытындылады.