Ш.Төлепова атындағы аудандық мәдениет үйінде Бұқаралық ақпарат құралдары қызметкерлері күніне және «Қармақшы таңы» газетінің 90 жылдық мерей тойына арналған шара өтті. Салтанатты жиынға сала қызметкерлері мен бірқатар зиялы қауым өкілдері қатысты. БАҚ өкілдерінің мерейлі мерекесінде аудан әкімінің орынбасары Жұлдызхан Ерқосаев құттықтау сөз сөйлеп, саланың үздік мамандарын марапаттады. Сонымен қатар саланың маңыздылығына тоқталды.

Ұлт ұстазы Ахмет Байтұрсынұлы «Газет – халықтың көзі, құлағы, һәм тілі» деп айтып кеткендей, халықты нақты әрі жылдам ақпаратпен қамтамасыз етуде қоғамдағы сіздердің рөлдеріңіз орасан зор. Ел игілігі жолындағы еңбектеріңізге шығармашылық шабыт, қызметтеріңізде толағай табыс, отбасыларыңызға береке-бірлік тілеймін! – деді шарада сөз алған аудан әкімінің орынбасары Жұлдызхан Байназарұлы.

Шара барысында «Сыр Медиа ЖШС» бас директорының бірінші орынбасары Марат Аралбаев, «Қармақшы таңы» газетін ширек ғасыр басқарған, жазушы Алтай Үсенов сөз сөйлеп, әріптестеріне ізгі лебіздерін білдірді.

Салтанатты шараның соңы мерекелік концертке ұласты.