Қармақшыда самбо күресінен Республикалық түрнир өтуде
qarmaqshy-tany.kz Бүгін аудан әкімі Жандос Еркінбек Қазақстан Республикасының еңбек сіңірген жаттықтырушысы Серікбаев Әділбек Үргенішбайұлын еске алуға арналған жасөспірімдер арасында самбодан республикалық турнирдің ашылу салтанатына қатысты.
Аудан басшысы алғы сөзінде Ә.Серікбаевтың өнегелі өмір жолы мен спорт саласының дамуына қосқан өлшеусіз үлесі туралы сөз қозғап, жарысқа қатысушы спортшыларға сәттілік тіледі.
Сонымен қатар, спорттық іс-шараның ашылу салтанатына Қызылорда облысы дзюдо федерациясының Президенті, Қазақстанға Еңбегі сіңген жаттықтырушы, Қазақстан спорт қайраткері, облыстық мәслихат депутаты Мұстафаев Садық Шоңмұрынұлы қатысып, спорт додасының салтанатты ашылуымен құттықтады.
Дүбірлі додаға еліміздің 12 облысынан 160-қа жуық жас палуан қатысуда. Жарыс барысында 10 салмақ дәрежесі бойынша жүлделер сарапқа салынуда.
Сондай-ақ, турнирге арнайы Халықараллық дәрежедегі төреші, Тәжікстан Республикасы Олимпиада комитетінің мүшесі Абдулла Махмуди және Қазақстанға Еңбегі сінген жаттықтырушылар келіп, төрелік етуде.
