Самбодан турнир өтті

СЕНБІДЕ АУДАНДАҒЫ ДЕНЕ ШЫНЫҚТЫРУ САУЫҚТЫРУ КЕШЕНІНДЕ ҚР ЕҢБЕК СІҢІРГЕН ЖАТТЫҚТЫРУШЫСЫ ӘДІЛБЕК СЕРІКБАЕВТЫ ЕСКЕ АЛУҒА АРНАЛҒАН 2005-2006 ЖЫЛЫ ТУҒАН ЖАСӨСПІРІМДЕР АРАСЫНДА САМБОДАН РЕСПУБЛИКАЛЫҚ ТУРНИР ӨТТІ. ЕКІНШІ РЕТ ҰЙЫМДАСТЫРЫЛЫП ОТЫРҒАН ЖАРЫСҚА АТЫРАУ, АҚТӨБЕ, ШЫМКЕНТ, ЖАМБЫЛ, ТҮРКІСТАН, ҚАРАҒАНДЫ, ҚЫЗЫЛОРДА ОБЛЫСТАРЫ МЕН ҚАЛАЛАРЫНАН ЖӘНЕ АУДАННАН 13 КОМАНДА, 150-ГЕ ЖУЫҚ СПОРТШЫ ҚАТЫСЫП,БАҚ СЫНАДЫ.

Турнирдің ашылу салтана­ты­на аудан әкімі Әділбек Ерсұл­танов, облыстық дене шынықтыру және спорт бас­қар­масының басшысы Асылжан Жаман­құл, облыстық дзюдо федерация­сының пре­зиденті, ҚР еңбек сіңірген жаттықтырушысы Садық Мұс­тафаев, құрметті қо­нақ болып Сержан­ Намет­ша қатысты. Спорттық ша­ра­ның мақсаты – белгілі жат­тық­ты­рушы Әділбек Үрге­ніш­байұлын еске алуға арналған турнирді облыс көлемінде дамытып, спортшылардың шеберлігін шың­дау.

Салтанатты жиынды аудан басшысы Әділбек Бөрібайұлы ашып, спорт саңлағына айнал­ған жаттықтырушының өмір­дегі жетістіктерін сөз етті.

– Әділбек Серікбаев ағамыз спортта өшпес із қалдыра біл­ген белгілі жаттықтырушы. Оның тынымсыз еңбегінің ар­қасында шәкірттері халық­ара­лық, республикалық сайыс­тарда жүлде алып, жоғары жетістіктерге қол жеткізді. Сондай-ақ, ол жетекшілік еткен қазақ күресінен облыс құрама командасы бірнеше республикалық спартакиадаларда жеңімпаз атанды. Ол жаттықтырушы маман ретінде ғана емес, ұжым мен спортшылар арасындағы қарым-қа­тынасты қалыптастырудағы шебер ұйымдастырушы да бола білді. Бүгінде артынан ерген шәкірттері әлі де халықаралық, әлемдік деңгейде еліміздің абыройын биіктен көрсетеді деген кәміл сенімдеміз, – деді ол.

Сонымен қатар оның спортта бірге қызмет еткен достары, бауырлары танымал жат­тықтырушының үнемі өзін-өзі жетілдіру жолында ізденіспен еңбек еткенін айтып, еске алды.

Иә, Әділбек Үргенішбайұлы самбо және қазақ күресінен 5 халықаралық дәрежедегі спорт шеберін, 32 Қазақстан Республикасының спорт шебе­рін дайындаған. Спорттағы жетістіктері үшін Қазақстан Республикасының «Ерен еңбегі үшін» мемлекеттік медалімен және «Құрметті спорт қыз­меткері» төсбелгісімен мара­патталған.

Екі күнге созылған турнирде жерлестеріміз жақсы ойын көрсетіп, марапат төрінен көрінді. Атап айтқанда, 42 келі салмақ дәрежесінде Мағжан Ибраш І орын, Бақтияр Құлтаев ІІ орын, 46 келі салмақта Құдайберген Темірбекұлы І орын, Асылжан Әлмембет ІІ орын, 49 келі салмақта Мирас Қанибеков, Айдос Аралбек ІІІ орын, 53 келі салмақта Диас Хамитов І орын, 58 келі салмақта Әділет Жүніс І орын, Диас Сәбит ІІІ орын, 64 келі салмақта Ринат Ақбатыров ІІІ орын, 71 келі салмақта Жанарыс Сағаладин І орын, 79 келі салмақта Саят Төлеш І орын, 88 келі салмақта Асылжан Сейдалыұлы ІІІ орын және +88 келі салмақ дәрежесі бойынша Әділет Убайдулла ІІ орынға қол жеткізіп, биіктен көрінді. Жарыс соңында жеңім­паздар арнайы медальмен марапатталды.