Оқырмандар сайысты
qarmaqshy-tany.kz Кент кітапханасының ұйымдастыруымен «Бір ел – бір кітап» акциясы аясында жазушы Төлен Әбдіктің «Оң қол» шығармасынан әдеби сайыс өтті. Аталған акция елімізде 2007 жылдан бастап өткізіліп келеді. Акцияның міндеті – ұлттық әдебиетіміздегі үздік туындыларды оқу және насихаттау, қазақ әдебиетін дәріптеу, рухани мұрамызды сақтау, қоғамның кітап оқуға деген қызығушылығын арттыру, сондай-ақ өскелең ұрпақтың зияткерлікрухани дамуына ықпал ету.
Іс-шараға аудан орталығындағы кітапхана қызметкерлері, оқырмандар мен А.Жанпейісов атындағы №105 мектеп-лицейінің 8 сынып оқушылары қатысты. Сонымен қатар, Төлен Әбдіктің өмірі мен шығармашылығына арналған «Кемел ойдың керуені» атты кітап көрмесі ұйымдастырылды. Көрмені кітапханашы Ғазиза Ақжанова таныстырды. Мұнан соң Темірбек Жүргенов атындағы ұлттық өнер академиясының жазушы Төлен Әбдіктің «Оң қол» шығармасы желісі бойынша түсірілген фильмі оқырман назарына ұсынылды.
Сайыс барысында оқырмандарға шығарма бойынша сұрақтар қойылып, белсене қатысқандары аудандық орталықтандырылған кітапханалар жүйесі директорының Алғыс хатымен марапатталды.
Ақнұр ЕРДҮЙСЕНҚЫЗЫ
