Парасат майданының сардары
qarmaqshy-tany.kz «Бір ел – бір кітап 2023» республикалық акциясына ЖЫЛ КІТАБЫ болып жазушы, драматург, қоғам қайраткері Төлен Әбдіктің шығармаларын оқу бекітілді.
Бүгін аудандық кітапхананың оқырмандарға қызмет көрсету бөлімінің ұйымдастыруымен "Парасат майданының сардары" атты флешбук өтті. Жыл сайын өткізілетін бұл акцияның мақсаты қазақ жазушыларың шығармаларымен, жазушы өмірімен танысу, кітап оқуға деген қызығушылығын арттыру болып табылады. Кеш барысында Төлен Әбдікке арналған кітап көрмесін кітапханашы Жүсіпбекова Назерке таныстырылды. Жазушының
"Оң қол" әңгімесін режиссер Кәкімжан Жәнібек түсірген фильм қойылды. Акцияға Ш.Уалиханов атындағы 26 мектептің 7,8 сынып оқушылары қатысты. Кешке Аудандық қармақшы таңы редакциясынан Жанаділов Нұрбай, Қазақ тілі қоғамының төрайымы Раева Гүлжаухар, мектеп кітапханашылары Жұмабекова Майра және Аязбекова Айнұр қатысты. Кеш соңында акцияға қатысқан оқушыларды алғыс хаттармен марапаттады.
