Тыл ардагерлеріне құрмет көрсетті

qarmaqshy-tany.kz Ардагерлерімізді құрметтеу – баршамыздың парасатты парызымыз. Бүгінгі бақытты өмірге жеткеніміздің өзі – сол аға буынның арқасы. Яғни, майдан мен тылдың біртұтас қимыл-әрекеті сол ұлы Жеңісті әкелді де. «Тылдағы еңбек болмаса, майданда жеңіс те болмас еді» деген болатын хас батырымыз Бауыржан Момышұлы.

Осы ретте, аудандық ардагерлер кеңесінің төрағасы А.Мереков, білім бөлімі басшысы Г.Абдазиева және білім кәсіподақ комитетінің төрайымы Л.Есханова мереке қарсаңында сұрапыл соғыс жылдарында бел жазбай еңбек етіп, қиямет-қайым қиындықтарды жеңе білген кешегі тыл еңбеккерлерінің шаңырағында болып, сый-құрмет көрсетті.