Қармақшы ауданының аяқ су арықтары дайындалуда

qarmaqshy-tany.kz Жосалы кентінде 74 шақырым аяқ су арықтары бар. Оның ішінде 32 шақырымы негізгі, 42 шақырымы көше аралық арықтар.

Қазіргі таңда осы үлкен арықтардың іші, көше аралық су өткізгіш трубалардың іші қоқыстан тазартылып, арық түбіндегі топырақ күрекпен қазылуда.

Дегенмен, әрбір тұрғын үйінің тұсынан өтетін аяқ су арығының, турбаларының ішіне осындай тазарту жұмыстарын жүргізссе, алдағы күндері берілетін судың кедергісіз жүруіне мүмкіндік болар еді.

Сондай-ақ, көшедегі зиянды нәрселерді тазалау, судың көзін ашу да - сауапты істің бір түріне жатады.

Ал, Рамазан – жақсылықтың, әрбір игі амалдың сауабы еселеніп жазылатын қасиетті ай болып есептеледі.

Қадірлі жерлестер!

Қасиетті Рамазан айында халыққа пайдасы тиер сауабы мол істер жасауды қолға алайық!