Сыбайлас жемқорлыққа қарсы іс-қимыл жөніндегі комиссия отырысы өтті

qarmaqshy-tany.kz Аудан әкімі аппаратының мәжіліс залында аудан әкімінің төрағалығымен сыбайлас жемқорлыққа қарсы іс-қимыл жөніндегі ведомствоаралық комиссия отырысы өтті.

Отырыстың күн тәртібінде аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Р.Ефеновтың және аудандық кәсіпкерлік, өнеркәсіп және туризм бөлімінің басшысы Б.Өмірзақовтың сыбайлас жемқорлыққа қарсы іс – қимыл бағытында атқарған шаралары туралы баяндамалары тыңдалды.

Жауапты баяндамашылардан соң, аудан әкімі барлық бөлім басшыларына және кент, ауылдық округ әкімдеріне сыбайлас жемқорлық халықтың билікке деген сенімін жоққа шығаратындығын атап өтіп, осы мәселенің алдын алу бағытында тиісті мекеме басшыларына хаттамалық тапсырмаларын берді.