Сыбайлас жемқорлыққа қарсы іс-қимыл жөніндегі комиссия отырысы өтті
Аудан әкімдігінің мәжіліс залында аудан әкімі Ә.Ерсұлтановтың төрағалығымен сыбайлас жемқорлыққа қарсы іс-қимыл жөніндегі ведомствоаралық комиссия отырысы өтті.Отырыстың күн тәртібінде аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Р.Ефеновтың және аудандық кәсіпкерлік, өнеркәсіп және туризм бөлімінің басшысы Е.Әбдікеровтың сыбайлас жемқорлыққа қарсы іс-қимыл бағытында атқарған шаралары туралы есебі тыңдалды.
Жауапты баяндамашылардан соң Әділбек Бөрібайұлы бөлім басшыларына және барлық кент, ауылдық округ әкімдеріне сыбайлас жемқорлықтың мемлекетімізге орасан зор нұқсан келтіретіндігін, ең қиыны – билікке деген халық сенімін жоққа шығаратындығын, егер де осы мәселені кешенді түрде шешуге бет бұрмасақ, және жеке әрқайсымыздың міндетіміз деп қабылдамасақ, заңдар сол қалпында қағаз жүзінде қалатындығын айтып комиссия отырысын қорытындылады.
