Сыбайлас жемқорлыққа қарсы іс-қимыл жөніндегі қоғамдық Кеңес отырысы болып өтті.

«Nur Otan» партиясы Қармақшы аудандық филиалында Сыбайлас жемқорлыққа қарсы іс-қимыл жөніндегі қоғамдық кеңестің отырысы болып өтті. Отырысқа аудандық мәслихат депутаттары, тиісті сала басшылары және қоғамдық кеңестің мүшелері қатысты.

Отырыс барысында қаржы саласы бойынша сыбайлас жемқорлыққа қарсы іс-қимыл жөніндегі жұмыстың барысы туралы аудандық мемлекеттік кірістер басқармасы басшысының орынбасары Алдажаров Оразалы-Қалихан Бегімханұлының хабарламасы тыңдалды.

Сонымен қатар, аудандық кәсіпкерлік палатасының ұйымдастыруымен аудандағы шағын және орта кәсіпкерлікті дамытуда және «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасын» жүзеге асыру бағытындағы «Жас кәсіпкер» жобасы аясында кәсіпкерлік негіздерін оқыту курсын жүзеге асыру жөнінде іс-шарасы болып өтті.

Сондай-ақ, жоспарға сәйкес үстіміздегі жылдың наурыз айында Әділет органдарында сыбайлас жемқорлыққа қарсы іс-қимыл жөніндегі жұмыстың жағдайы туралы аудандық Әділет басқармасы басшысының және маусым айында аудандық қаржы бөлімі басшысының қаржы саласы бойынша сыбайлас жемқорлыққа қарсы іс-қимыл жөніндегі жұмыстың барысы туралы хабарламалары тыңдалды.