Қармақшы аудандық полиция бөлімінде ашық есік күні
qarmaqshy-tany.kz Қармақшы аудандық полиция бөлімінің жергілікті полиция қызметі бөлімшесінің әйелдерді зорлық-зомбылықтан қорғау тобының қызметкерінің ұйымдастыруымен «Ашық есік күні» өткізілді.
Іс шараның негізгі мақсаты: тұрмыстық зорлық-зомбылықтың алдын алу және жолын кесу, осы бағытта қабылданып жатқан шаралар туралы халықты хабардар ету, қоғамдағы отбасының рөлін нығайту мен құқықтық тәрбиені насихаттау, сондай-ақ азаматтардың арасында ақпараттық білім беру, құқықтық түсіндіру бойынша қыз-келіншектерге қабылдау жүргізіп, оларға құқықтық консультативтік кеңес берілді.
Жалпы аудан бойынша ашық есік күніне байланысты тұрғындар арасында құқықтық салауаттылықты дамыту бойынша іс-шараны өткізу кезінде «Тұрмыстық зорлық-зомбылықтың алдын алу туралы» ҚР Заңы түсіндірілді.
Жұбайлар тең құқылы және бірдей жауапкершілікке ие. Егер де Сіз отбасындағы зорлық-зомбылыққа душар болсаңыз үнсіз қалмаңыз!
Сіздер үшін арнайы сенім телефоны тәулік бойы кез-келген нөмірден тегін жұмыс жасайды. Сенім телефоны: «102» арнасы, 8-705-208-14-68.
Қармақшы аудандық Полиця бөлімінің
Жергілікті полиция қызметі бөлімшесінің
Әйелдерді зорлық-зомбылықтан қорғау тобы
