Зорлық- зомбылыққа қарсы 16 күн

qarmaqshy-tany.kz Республикалық «Зорлық- зомбылыққа қарсы 16 күн» ақпараттық науқанын өткізу жөніндегі облыстық іс шаралар жоспарына сәйкес №121 мектеп базасында «Зорлық –зомбылықтың алдын алу. Отбасы, мектеп, қоғам мәселесі» тақырыбындағы ата-аналармен семинар ұйымдастырылды.
Семинарға Қармақшы аудандық полиция бөлімінің жергілікті полиция қызметі бөлімшесінің әйелдерді зорлық зомбылықтан қорғау тобының инспекторы, аудандық әйелдер кеңесінің төрайымы, аудандық емхананың және жастар денсаулық орталығының психологы , мектепішілік ата аналар комитетінің төрағасы, білім бөлімінің әдіскері қатысып тұрмыстық зорлық-зомбылықтың профилактикасын насихаттау,ата-аналарға тұрмыстық зорлық-зомбылық заңнамаларына түсіндірме беру, ата-аналарға құқықтық, психологиялық кеңестер беру, елдің бірлігі отбасы татулығын сақтау мақсатында түсіндірме жұмыстары жүргізілді.
Жадынамалар таратылып, бейнедәрістер көрсетілді.