«Зорлық-зомбылыққа қарсы 16 күн»
qarmaqshy-tany.kz Республикалық «Зорлық-зомбылыққа қарсы 16 күн» ақпараттық науқанын өткізу жөніндегі облыстық іс шаралар жоспарына сәйкес 25 қараша – 10 желтоқсан аралығында Қармақшы аудандық білім бөлімінің білім беру мекемелерінде іс шара ұйымдастырылуда. №250 мектеп лицейде жоғары сынып оқушыларына зорлық-зомбылықты ескертуге, алдын алуға, ана мен баланы қорғауға, қоғамдағы отбасының рөлін күшейтуге, құқықтық сауаттылығын арттыруға бағытталған жиналыс өтілді. Жиналысқа аудан прокурорының аға прокуроры, әйелдерді зорлық-зомбылықтан қорғау тобының инспекторы, аудандық психо-әлеуметтік кеңес беру кабинетінің дәрігері, құқықтық статистика және арнайы есепке алу жөніндегі комитеттің Қармақшы ауданы бойынша өкілі, Жастар денсаулық орталығының психологі, Қармақшы жастар ресурстық орталықтың директоры, аудандық полиция бөлімінің қызметкерлері, білім бөлімінің әдіскері қатысып жан-жақты түсіндірме жұмыстары жүргізілді.
