Ауданда «Қаржылық бұзушылықтардың алдын алу және қаржылық тәртіпті нығайту» тақырыбындағы семинар-кеңес өтті

qarmaqshy-tany.kz Аудандық мәдениет үйінде Қызылорда облысы бойынша тексеру комиссиясымен «Қаржылық бұзушылықтардың алдын-алу және қаржылық тәртіпті нығайту» тақырыбында Қармақшы ауданында семинар-кеңес ұйымдастырылды.

Семинар кеңеске облыстық мемлекеттік сатып алу басқармасының, Қызылорда облысы бойынша қазынашылық департаментінің Қармақшы аудандық қазынашылық басқармасының өкілдері және Қармақшы ауданы әкімінің орынбасары Жұлдызхан Байназарұлы, аудан әкімі аппаратының, аудандық мәслихат аппаратының, аудандық бөлімдердің, ауылдық округтердің, кенттердің, мәдениет үйлері мен клубтардың басшылары мен есепшілері, сонымен қатар, ауданның аумағында орналасқан бюджеттік ұйымдардың (білім бөлімі, мектептер, балабақшалар, орталық аурухана, спорт мекемелері) басшылары мен қаржы жөніндегі жауапты мамандары қатысты.

Күн тәртібіне сәйкес облыстық мемлекеттік сатып ау басқармасының, қаржылық бақылау органдарының өкілдері баяндама жасады.

Семинар кеңесті ұйымдастырудың негізгі мақсаты, мемлекеттік және квазимемлекеттік сектор субъектілерінде қаржылық бұзушылықтардың алдын-алу және қаржылық тәртіпті нығайту болып табылады.

Семинар кеңес қорытындысымен есепші мамандарды арнайы курстардан оқытып біліктілігін арттырып отыру бойынша ұсыныс мемлекеттік мекемелер мен квазимемлекеттік сектор басшыларына тапсыру ұсынылды.