Қармақшы ауданының әкімі М. Қалдарбековтың өкімімен Ерқосаев Жұлдызхан Байназарұлы «Қазақстан Республикасының мемлекеттік қызметі туралы» Қазақстан Республикасының Заңына сәйкес және облыстық конкурстық комиссияның хаттамалық қорытындысы негізінде 2021 жылдың 12 ақпанынан бастап Қармақшы ауданы әкімінің орынбасары лауазымына тағайындалды.

Жұлдызхан Байназарұлы 1986 жылы Қызылорда облысы, Қазалы ауданында дүниеге келген.

2009 жылы Т.Рысқұлов атындағы Қазақ экономикалық университетін «Қаржы бакалавры» мамандығы бойынша бітіріп шыққан.

Алғаш еңбек жолын 2010 - 2011 жылдары – Қызылорда облысы, Қазалы ауданы бойынша салық басқармасының іс жүргізушісі болып бастаған.

2012-2013 ж.ж. – Қ Р Ауыл шаруашылығы министрлігі ветеринариялық бақылау және қадағалау комитетінің Қызылорда облыстық аумақтық инспекциясы қаржылық қамтамасыз ету және бухгалтерлік есеп бөлімінің бас маманы;

2013-2014 ж.ж. – Қызылорда облысы, Қазалы ауданы бойынша салық басқармасының «Тіркеу, ақпараттарды қабылдау, өңдеу және ақпараттық технологиялар орталығы» бөлімінің бас маманы;

2014-2015 ж.ж. - Қызылорда облысы, Қазалы ауданы бойынша Мемлекеттік кірістер басқармасының «Тіркеу, ақпараттық технологиялар, ақпараттарды қабылдау және өңдеу орталығы» бөлімінің бас маманы;

2015-2017 ж.ж. - Қызылорда облысы, Қазалы ауданы бойынша Мемлекеттік кірістер басқармасының «Тіркеу, ақпараттық технологиялар, ақпараттарды қабылдау және өңдеу орталығы» бөлімінің басшысы;

2017 – 2018 ж.ж. – Қызылорда облысы бойынша Мемлекеттік кірістер департаменті Сырдария ауданы бойынша Мемлекеттік кірістер басқармасы басшысының орынбасары;

2018 - 2019 ж.ж.- Қызылорда облысы бойынша Мемлекеттік кірістер департаменті Қазалы ауданы бойынша Мемлекеттік кірістер басқармасы басшысының орынбасары;

2019 жылы – Жамбыл облысы бойынша Мемлекеттік кірістер департаментінің Камералдық мониторинг басқармасының басшысы;

18.11.2019 – 13.03.2020 ж.ж Қызылорда облысы бойынша Қазынашылық департаментінің Байқоңыр қалалық қазынашылық басқармасының басшысы;

13. 03. 2020 жылдан бастап осы уақытқа дейін Қармақшы ауданы әкімі аппаратының басшысы қызметін абыроймен атқарып келді.