Құқықтық семинарға кент, барлық ауылдық округтердің әкімдері мен заңгер, есепші мамандары және тиісті бөлімдердің басшылары қатысты. 2020 жылдан бастап аудандағы халық саны екі мыңға жетпейтін қалған 6 ауылдық округ әкімі аппараттарына Жосалы, Төретам кенттері мен Ақай, Жаңажол, ІІІ Интернационал, Ақтөбе, Ақжар, Дауылкөл жергілікті өзін-өзі басқарудың дербес бюджеті беріледі.

Осы ретте өткізілген шараның негізгі мақсаты - мемлекеттік бюджеттің 4-ші деңгейін енгізу шаралары аясында алдағы уақытта орын алуы мүмкін кемшіліктерді болдырмау және алдын алуға бағытталған.

Семинар барысында ауданға арнайы келген Қызылорда облысы әкімі аппаратының мемлекеттік-құқықтық жұмыстар бөлімінің әдіскері Әуелбек Исаев, Қызылорда облысының Әділет департаментінің нормативтік құқықтық актілерді тіркеу бөлімінің бас маманы Нұрсұлу Арзықұлова және облыстық экономика және бюджеттік жоспарлау басқармасының бас маманы Акбар Мәріп және Қызылорда облыстық ақпараттық технологиялар орталығының жетекші маманы Болат Әбітаев құқықтық - нормативтік актілердегі өзгерістер мен толықтырулар жайлы түсіндірме жұмыстарын жүргізді.

Семинарды аудан әкімінің орынбасары Жарқын Тұрмаханұлы қорытындылап, қатысушылар тарапынан қойылған сауалдарға тұщымды жауаптар берілді.