ҚҰҚЫҚТЫҚ КЕҢЕС БЕРІЛДІ
«Нұр Отан» партиясы Қармақшы аудандық филиалының ұйымдастыруымен «ІІІ Интернационал» және «Жаңажол» бастауыш партия ұйымында «Әділет кеңес береді» атты республикалық акция өтті.
Мақсаты – ауыл тұрғынына кәсіби заңгерлік көмек көрсету, сондай-ақ құқықтық нормалар мен қолданыстағы заңдарға, оларға енгізілген өзгерістер мен түзетулер жайында ақпарат беру. Партияның диалог алаңында «Нұр Отан» партиясы аудандық филиалы төрағасының бірінші орынбасары, халық қалаулысы Дастан Буханов, аудандық әділет басқармасының басшысы Назерке Асанова, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Зере Метерова, «ІІІ Интернационал» бастауыш партия ұйымының төрағасы, ауылдық округінің әкімі Әсет Омаров, «Жаңажол» бастауыш партия ұйымының төрағасы, ауылдық округінің әкімі Әбимүсілім Қоқанов және тағы басқасы өз пікірімен бөлісті.
Шара барысында жеке тұрғындар мен ауыл азаматтарына қолданыстағы заңнама аясында тұшымды кеңес пен түсінік берілді.
Сәрсенкүл АҚКІСІ,
«Қармақшы таңы».
