«Әділет кеңес береді» Республикалық акциясы

«Нұр Отан» партиясы Қармақшы аудандық филиалының ұйымдастыруымен «ІІІ-Интернационал» және «Жаңажол» бастауыш партия ұйымдарында «Әділет кеңес береді» Республикалық акциясы болып өтті. 

Акцияның мақсаты тұрғындарға кәсіби заңгерлік көмек көрсету үшін және де құқықтық нормалар мен қолданыстағы заңдарға, сондай-ақ оларға енгізілген өзгерістер мен түзетулер туралы ақпараттар беріп, азаматтардың заң және құқық бойынша түсініктерін қалыптастыру мен жеке жауапкершіліктерін сезіндіру мақсатында партия тарапынан диалогтық алаң ұсыну. Акцияға «Нұр Отан» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы, аудандық Әділет басқармасының басшысы Асанова Назерке Нәбиқызы, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Метерова Зере Қорғанбекқызы, «ІІІ-Интернационал» БПҰ төрағасы, ауылдық округінің әкімі Омаров Әсет Тұрмаханұлы, «Жаңажол» БПҰ төрағасы, ауылдық округінің әкімі Қоқанов Әбімүсілім Алпуанұлы және БАҚ өкілдері қатысты. 

Іс - шара барысында барлық келген тұрғындар мен азаматтарға қолданыстағы заңнамалар аясында кеңестер мен түсініктемелер берілді.