Батыр аналарға арналған мерекелік кеш

Ия, Ана әрбір адамның жарық дүниедегі ең жақыны, жанашыры, қадірлісі, қамқоршысы, ақ сүтін емізіп аялаған, жанын да аямаған ардақтысы.

Мен ана деген сөзді қанша айтсам да жалықпаймын. Өйткені ол дүниедегі ең ардақты жан. Ана- тіршіліктің гүлі, отбасының берекесі, бүкіл адамзаттың тәрбиешісі.

Бүгін ІІІ Интернационал ауылдық кітапхана жанынан ашылған КОВОРКИНГ орталығында ауылдық кітапхананың ұйымдастыруымен «Ана-тіршілік тірегі» атты батыр аналармен мерекелік кеш болып өтті.

Кешті кітапханашы жүргізіп, ауылдық округі әкімі. Н.Сайымов Ізбасарұлы құттықтау сөзімен ашып берді.

Кеш барысында кітапхана оқырмандары 8,9 сынып оқушылары АНА тақырыбында өлеңдер оқыды.

Г.Абдирова мерекелік шашу ретінде ән шырқаса, Игембергенов Ринат «Анашым" әнін гитарада тамылжыта орындап берді.

И.Өмірзақова және Н.Өмірзақовалардың орындауында домбырада ән айтылып, күй тартылды. Кеш соңында барлық қатысушылар қосылып қазақтың "Вальс королі" атанған Ш.Қалдаяқовтың "Ана туралы жыр" әнін шырқады.

Сонымен қатар батыр аналарға және жас оқырмандарымызға Б.Набиев басшылық жасайтын "Достық Жер МК"ЖШС-нің демеушілігімен сыйлықтар берілді.

Кеш соңында аналарға арналып мерекелік дастархан жайылды. Көтеріңкі көңіл-күймен өткен кешке риза болған аналар ақ баталарын беріп, алғыстарын айтты.