«Ана даңқы - Ел даңқы»

Әлемді алақанында әлдилеген жасампаз тіршілікке нәр беретін 8-наурыз халықаралық Аналар, қыздар мерекесіне арналған «Ана даңқы - Ел даңқы» тақырыбында Тұрмағамбет ауылында мәдени құрмет шарасы өтті.

Жүректері елжіреген, жанарлары мөлдіреген, жаулықтары желбіреген аналар үлкен құрмет, қошеметке бөленді. Ауыл әкімі Бақытбек Медетұлы мерекелік шараны ашып құттықтау лебізін білдіріп, көп балалы аналарға алғыс хаттарын табыстады. Шаруашылық төрағасы Н.Пірмантаев мерекелік дастархан жайып аналарға мерекелік сый жасаса, ауылдық клуб үйінің директоры Т.Байменовтың концертік бағдарламасы көптің көңілінен шықты.

Мерекелік шараға ақсақалды әкелеріміз құттықтау лебіз білдіріп, батасын берді. Мәдени шараға батыр аналар, әртүрлі сала мамандары қатысып, жақсы көңіл күймен тарқасты.