"Біз спортпен біргеміз!"

qarmaqshy-tany.kz Кеше аудан орталығындағы Тәйімбет Көмекбаев Атындағы Мектеп-лицейде психолог Ажар Смайлованың ұйымдастыруымен өтіп жатқан "Психология апталығы" бағдарламасына сәйкес педагогтар арасында "Біз спортпен біргеміз!" атты спорттық сайыс өтті.

Сайысқа мектептің әртүрлі жас ерекшелігіндегі пән мұғалімдері қатысып, өз уақыттарын пайдалы жұмсауға, салауатты өмір салтын қолдауға арнай отырып, әрі жастарға үлгі болуда өз бақтарын сынасты.

Спорттық сайыстың әділ қазылар алқасында мектеп-лицейдің спорт секторы Галым Мадияров, жастар денсаулығы орталығының психологы Әмина Кетебаева және мектеп медбикесі Тәттігүл Рзалиева төрелік етті.

Өте қызықты, тартысты өткен бұл сайыс 3 команда арасында:

1-орынды "Жалын",

2-орынды "Сұңқар" және

3-орынды "Тұлпар" тобының жеңуімен өз мәресіне жетті.

Жас жеткіншектерге тәрбие мен үлгіні ауызбен айтумен қатар іспен көрсеткен тиімді.

Әр күніміздің бір бөлігін өз денсаулығымызды нығайтуға арнасақ,сапалы да саналы өмір сүреміз!