qarmaqshy-tany.kz Қармақшы ауданы С.Есқараев атындағы №27 орта мектебінде мектеп парламент мүшелері арасында «Салауатты өмір салты және дене тәрбиесі» фракциясының жетекшісі Е.Бекмаханов пен 8 сынып жетекшісі Ә.Оспанова «Спорт – денсаулықтың басты кепілі» тақырыбында спорттық сайыс ұйымдастырып өткізді. Сайыстың мақсаты – оқушыларды салауатты өмір салтын сақтауға, спортпен шұғылданып, денсаулықтарын нығайтуға тәрбиелеу.

Сайыс барысында оқушылар 2 топқа бөлініп, бірнеше спорт түрлері бойынша бақ сынасты. Сайыс соңында оқушылар денсаулық, спорт жайлы мақал – мәтелдер айтып жарысты. Сайыс өте қызықты өткізілді. Сайыста жеңімпаз атанған топ арнайы дипломмен марапатталды.