Екпе егудің денсаулыққа маңызы

Ақай ауылы №279 орта мектебінде «Екпе егудің денсаулыққа маңызы, екпеге қарсымыз, екпені қолдаймыз!» тақырыбында оқушылар мен мектеп медбикелерінің ұйымдастыруымен диспут болып өтті. Диспуттың мақсаты мен маңызы оқушыларға екпені өмірмен байланыстыра отырып, денсаулыққа зиянды заттарға ғылыми тұрғыдан қарау, сонымен қатар оқушы бойында өз денсаулығына деген жауапкершілікті арттыру. Аталмыш диспутқа Қызылорда облыстық жастар орталығы дәрігері-маманы Ідірісқызы Ұрқия, медбике Нұрғалиева Меруерт қатысты. Диспутты өзін-өзі басқару орталығының жетекшісі Қосжанова Гүлдана ашып, келген қонақтармен таныстырды. Диспут барысында келген қонақтар сөз алып, екпенің маңызы жөнінде келелі ой қозғап, оқушылардың сұрақтарына жауап берді.