Аудан басшысы ардагерлермен кездесті
Бүгін аудан әкімі Жандос Еркінбек аудандық ардагерлер кеңесінің төрағасымен бірге ауданның әлеуметтік-экономикалық дамуына айрықша үлес қосқан бірқатар ардагерлердің шаңырағында болып, баталарын алды.
Алдымен, Қармақшы ауданының құрметті азаматтары, ардагер-ұстаз 97 жастағы - Баймаханова Пал апай мен «Ғасыр кәсіпкері» іскер ұйымдастырушы 91 жастағы Махмудова Шынар апайдың үйіне барып, ізгі лебіздерін білдірді.
Сондай-ақ, тыл және еңбек ардагері, 97 жастағы абзал ана Кенбаева Алмагүл апайдың шаңырағына барып, жағдайын сұрап, жылы сұхбат құрды.
Ардақты ардагерлер өз кезегінде арнайы келген аудан әкіміне ризашылығын білдіріп, баталарын берді.
