Аудан әкімі ардагерге құрмет көрсетті

Қармақшы ауданының әкімі М. Қалдарбеков «Қармақшы ауданының құрметті азаматы», «Ғасыр кәсіпкері» қазіргі таңда 90 жасқа жақындаған іскер ұйымдастырушы, абзал ана Махмудова Шынар апайдың шаңырағында болып, мерейлі мерекемен құттықтады.

Аудан әкімі Мұса Оспанұлы ардақты ардагерге сый-сияпат жасап, ізгі лебізін жеткізді. «Қазақ халқында «Қарты бар ел қазыналы ел» деген нақыл сөз бар. Үлкенді сыйлау, оларға құрмет көрсету – ата-бабадан келе жатқан салтымыз. Сіздің өмір жолыңыз кейінгі жастарға үлгі болатынына сенімдемін», - деді аудан басшысы.

Өз кезегінде ардагер ризашылығын білдіріп, ақ батасын берді.

Бүгінгі таңда «1 қазан – Халықаралық қарттар күні» аясында ауданымыздың ардагерлеріне құрмет көрсету бағытында бірқатара шаралар жасалуда.