Аудан әкімі Ұлы Отан соғысының ардагерін мерекемен құттықтады

Аудан әкімі Мұса Қалдарбеков Ұлы Отан соғысының ардагері Қуанышбай Бисенбаевтың шаңырағында болып, Халықаралық қарттар күні мерекесімен құттықтады. Аудан әкімі ақсақалға сый-сияпат жасап, ізгі лебізін жеткізді.

- Сіздердің қан майдандағы жанқиярлық ерліктеріңіз бен бейбіт өмірдегі еселі еңбектеріңіз біздің мәңгі есімізде. Сіздердің өмір жолдарыңыз кейінгі жасқа үлгі болатынына сенімдімін, - деді аудан басшысы.

Ардагер ризашылығын білдіріп, ақ батасын берді.