Аудан әкімі көпқабатты тұрғын үйлерді аралады

Аудан басшысы Жандос Еркінбек Жосалы кентіндегі Сегізов көшесінің бойында орналасқан көпқабатты тұрғын үйлердің жай-күйімен танысып, тұрғындардың ұсыныс – пікірлерін тыңдады.

Аудан әкімі кент орталығындағы көпқабатты тұрғын үйлердің жай-күйін ең алғашқы жұмыс күнінен бастап басты назарда ұстап отыр.

Тұрғын үйлерді аралау барысында аудан басшысы тұрғын үйлерді модернизациядан өткізу туралы тиісті сала басшыларына тапсырмалар беріп, кенттің келбеті мен тазалығын сақтау – баршамыздың ортақ борышымыз екенін айта келе, пәтер иелеріне аумақты таза ұстау, ластамау, санитарлық-тазалық талаптарын қатаң сақтау жөніндегі ұсыныстарын жеткізді.