Аудан әкімі Жосалы кентіндегі бірқатар нысандарды аралады

qarmaqshy-tany.kz Бүгін аудан әкімі Жандос Еркінбекұлы Жосалы кентіндегі Қорқыт ата көшесінде орналасқан көпқабатты үйлердің жай-күйімен танысып, тұрғындардың талап-тілектерін тыңдады.

Сондай-ақ, жауапты сала басшыларына алдағы уақытта көпқабатты үйлерді орташа жөндеуден өткізу бағытында тиісті шаралар қабылдау жөнінде тапсырмалар берді.

Сонымен қатар, аудан басшысы 2022 жылы күрделі жөндеу жүргізілген №121 мектептің жұмыстарымен танысып, ғимараттың бу қазандығының жұмысын қадағалады.