qarmaqshy-tany.kz Білім бөлімінің ұйымдастыруымен аудандық оқушылар үйінде Абайдың өмірі мен шығармашылығын дәріптеу мақсатында «Жыр жазамын Абайдың үлгісімен» атты ақындар мүшайрасы өткізілді.

Абай өлеңдерін терең түсіне білу, бүгінгі күнмен байланыстыра отырып, дамыту, интерпретация жасау арқылы жастардың шығармашылық ізденісіне жағдай жасай отырып, ел рухын көтеретін, поэзиямыздың мүмкіндігін танытатын өлеңдердің жазылуына, жас ақындардың шығармашылық дамуына жол ашу бағытында ұйымдастырылған болатын.

Мүшайраға Қазақстан жазушылар одағының мүшесі, ақын, ұстаз Достық Тілеубергенов арнайы қатысып жас ақындарға Абай шығармаларының ерекшелігін, өміршеңдігін, келешегінің зор екендігін айтып, поэзияның өзіндік дамуына үлес қосудағы жас ақындар шығармашылығына өзіндік бағасын берді.