Құрметті Қармақшы ауданының тұрғындары!
Қадірлі жерлестер!Баршаңызды Жаңа жылдарыңызбен шын жүректен құттықтаймын!

Әрбір жылды шығарып салар тұста өткенді ой елегінен өткізіп, жарқын жаңалықтарды, ерекше оқиғаларды еске аламыз, жылды қорытындылап, жаңа жоспарлар жайлы ойланамыз, алдымызға үлкен мақсаттар қоямыз.

Қасиетті Қармақшы өлкесі береке мен бірліктің, еселі еңбек пен елеулі жетістіктердің, тың бастамалар мен толағай табыстарға толы жылдар бедерінде биік тұғырлардан көрініп, ынтымақ пен іргелі істердің алтын ордасына айналып келеді.

Биылғы жыл біздің ауданымыз үшін де шын мәнінде бірлік пен берекенің, жаңа жетістіктер мен мүмкіндіктердің, ел тілегі жүзеге асқан, серпінді жобалардың орындалуымен құнды жыл болды. Бұл Қармақшы ауданы жұртшылығымен бірлесе жасалған жұмыстардың нәтижесі деп білемін. Жаңа жылды әр адам үкілі үмітпен, ізгі ниетпен және ақ тілекпен қарсы алады. Келер жыл да осындай жағымды жаңалыққа, қуанышты сәттерге толы болсын!

Баршаңызды Жаңа жылмен шын жүректен құттықтай отырып, Жаңа жыл әр отбасына шаңырақ шаттығын, амандығын, табысын, елімізге береке-бірлігін әкелсін деп тілеймін!

Жаңа жыл құтты болсын!