«Өз кәсібің туралы көркем әдебиет»
qarmaqshy-tany.kz 2022 жылдын 27 желтоқсан күні Қармақшы аграрлы-техникалық колледжінің оқу залында «Оқуға құштар колледж» жобасы аясында 2022-2025 жылдарға арналған іс-шаралар жоспарына сәйкес «Өз кәсібің туралы көркем әдебиет» тақырыбында акция ұйымдастырылды. Мақсаты оқырманды кітапханаға тарту, білім алушылардың оқуының сапасын арттыруға үлес қосу, өз кәсібіңе деген қызығушылығын арттыру. Шара барысында арнаулы пән оқытушысы Н.Төрахметова мамандықтар бойынша көркем әдебиеттер және оқулықтармен таныстырып, мамандықтардың қыры мен сырын студенттермен бірге талдады. Колледж директоры Б.Сайдулла білім алушылардың толғандырып жүрген сауалдарына жауап бере отырып, мамандықтарына байланысты әдебиетті көп оқуға шақырды. Шара соңында тақырыпқа байланысты бейнебаян көрсетілді.
