«Оқудың пайдасы» эссе

qarmaqshy-tany.kz Қармақшы аграрлы-техникалық колледжінде «Оқуға құштар колледж» жобасы аясында 2022-2025 жылдарға арналған іс-шаралар жоспарына сәйкес «Оқудың пайдасы» тақырыбында эссе жазу шарасы ұйымдастырылды. Кітаптың адам өміріндегі маңызы мен пайдасы, білімнің қайнар бұлағы-кітап екенін, білімнің тек қана кітап арқылы берілетінін ұғындыру мақсатындағы шараны колледж директоры Бауыржан Сайдуллаұлы ашып, жақсы кітапты оқу арқылы адамның білім көкжиегі кеңейіп, кітаптың сарқылмас рухани қазына екенін айтып өтті. Сонымен қатар колледж кітапханашысы Б.Тоқабаева студенттерді көркем шығармаларды оқуға шақырды. Ұйымдастырушылар колледж оқытушылары С.Көбекова мен Э.Қорабаева студенттерге «Кітап оқудың пайдасы» туралы бейнеролик көрсете отырып, эссе жаздырды. Шара барысында студенттер ойларында жүрген сұрақтарын қойып, кітап оқуға деген құштарлығын арттырды.