Балалар жылы аясында 06.04.2022 жылы Жастар ресурстық орталығының қолдауымен "Кел кітап оқиық" атты кітап оқу бұрышы ашылып, жастарымызға пайдалануға берілді. Мақсатымыз жастардың кітап оқуға деген қызығушылығын ояту, бағыт бағдар беру.Кітап оқу бұрышына ауданымыздың Ә.Егізбаев атындағы 121 орта мектебінің оқушылары қатысып, жазушы ағамыз Ш.Мұртазаның Ай мен Айша атты кітабын оқып, келген жастарымызбен талқылауға кірістік. Талқылау жұмыстары бір аптаға жалғасатын болады.Шараға Жосалы кентінің кітапханашысы А.Демеуова, 121 орта мектепінің кітапханашысы Г.Жусуповалар қатысып, жастарымызға сәттілік тіледі.Кітап оқудың пайдасы зор екендігінде сөз жоқ. Жақсы кітапты оқу арқылы адамның білім көкжиегі кеңейеді, ішкі жан дүниесі жаңғырып,есте сақтау қабілетін арттырады.

Кітап оқу арқылы адамның сөздік қоры көбейіп, ойлау қабілетін арттырып, өз пікірін еркін жеткізе алады. Сіздерді, Кітап оқуға шақырамыз!